真。悬浮板卖 19,900 美金离地飞行 6 分钟真。悬浮板

筋斗云，我细细个就想要啦；话唔定好快就会愿望成真。话说美国公司 Arca Space Corporation 研发咗一款全新嘅 Hoverboard 悬浮板 「ArcaBoard」，利用 36 把电动风扇提供动力，足够支撑一个 80kg（176磅）的成人飞行最多 6 分钟。

同其他市面上嘅 Hoverboard 悬浮板唔同，ArcaBoard 唔係利用磁能作动力，而係採用 36 把电动风扇及冷却系统，并内置稳定器；所以行走嘅时候就不受地理环境限制，唔一定要喺特製嘅磁场地，普通马路、公园甚至水面（官方话架）都可以踩住板轻功飞过。

ArcaBoard 重 82kg，最高时速可达 20 公里，高度为离地 30cm，听落好似唔係好高，但想像到踩住筋斗云要控制方向都唔係咁易。ArcaBoard 分为 Enhanced Trust Version 及 Long Endurance Version 两款，前者最高可负重 110kg，悬浮 3 分钟；后者最高可负重 80kg，悬浮 6 分钟。利用外置充电座充电只需 35 分钟，不过就要额外畀多 4,500 美金买个充电座。如果阁下畀得起 $19,900 美金，又想试下踩筋斗云，一试无妨，打卡都威威。